کۆمه‌ڵێک چالاکی که‌رتی ڕێکخستنی ئۆره‌برو

له‌ به‌رواری 16/3/2011 لەیادی هه‌ڵه‌بجەدا‌ له‌ شاری ئۆره‌برو چه‌ند ئه‌ندامێکی که‌رتی ڕیکخستن به‌هاوکاری کۆمه‌ڵه‌ی کوردی شاری ئۆره‌برو‌ یادی شه‌هیدان و بۆمبابارانی هه‌له‌بجه‌ کرایه‌وه‌. هه‌روه‌ها له‌ به‌رواری 19/3/2011 ئه‌ندامانی که‌رتی ڕێکخستنی ئۆره‌برو و چه‌ند ئه‌ندامێکی که‌رته‌که‌مان له‌ شاری شۆپینگ به‌شداریان کرد له‌ ‌ئاهه‌نگی جه‌ژنی نه‌ورۆزدا کە له‌ شاری شۆپینگ ڕێکخرابو.
ڕۆژی دوایی واته‌ 20/3/2011 له‌شاری ئۆره‌برو ئاگری نه‌ورۆز کرایه‌وه‌و ئه‌ندامانی که‌رته‌که‌مان به‌شداری به‌رچاویان هه‌بوو له‌ و یاده‌که‌دا.
دواتر له‌ ڕۆژی 25/26/27 مانگی 3 کۆمه‌ڵیک له‌ کادرانی که‌رته‌که‌مان به‌شداریان کرد له‌ کۆنگره‌ی سۆسیالدیموکراته‌کانی سوید له‌ شاری ستۆکهۆلمی پایته‌ختی سوید، له‌ کۆنگره‌که‌دا هه‌ڤاڵانی که‌رت له‌ هه‌وڵی گرێدانی تۆڕێکی په‌یوه‌ندیدا بون هەم له‌گه‌ڵ کادیرانی و ئه‌ندامانی سۆسیالدیموکراته‌کاندا وه‌ک خه‌ڵکی ئه‌و ووڵاته‌ هه‌میش له‌ هه‌وڵی په‌یوه‌ندی به‌رده‌وامدا بون له‌گه‌ڵ کوردانی به‌شدار بووی ناو کۆنگره‌که‌دا. بێگومان به‌شداری کردن له‌ کۆنگره‌یه‌کی ئاوادا‌ گرنگی تایبه‌تی خۆی هه‌یه‌ هه‌م بۆ ناساندنی ڕه‌وه‌ندی کورد له‌ سوید و هه‌میش بۆ زیاتر شاره‌زابونی کادیره‌کانی یه‌کێتی له‌ به‌رنامه‌و کاری حیزبی لەو ووڵاته‌دا‌.
ئێواره‌ی رۆژی شه‌ممه‌ دوای کاره‌کانی کۆنگره‌ هه‌ڤاڵان ئه‌ندامانی که‌رت له‌گه‌ڵ کۆمه‌ڵێک له‌ ئه‌ندامانی سۆسیال دیموکراته‌کان له‌ ناویاندا مۆناسالین سه‌رۆکی پێشوی پارته‌که‌ به‌شداریان کرد له‌ ئاهه‌نگی نه‌ورۆز که‌ کۆمه‌ڵه‌ی فیدراسیۆنه‌ کوردیه‌کان ڕێکیان خستبوو له‌ شاری ستۆکهۆلم.
ڕۆژی یەک شەممە 27/3 دوای کۆتایی هاتنی کۆنگره‌که‌ هه‌ڤاڵانی که‌رت به‌ هاوڕێیه‌تی بەڕێزان عبدالرزاق فەیلی لێپرسراوی پەیوەندیەکانی دەرەوەی یەکێتی نیشتمانی و شۆرش قادر دانساز نوێنەری یەکێتی نیشتمانی وبەرپرسی پەیوەندیەکانی سوید و هەڤاڵان سەردار ئەمین لێپرسراوی کۆیتەی ڕێکخستنی سوید و سەلاح جەلیلەیی لێپرسروای کۆمەڵەی پێشمەرگە دێرینەکان لە دەرەوەی ووڵات هەروەها کۆمەڵێک لە کادران وئەندامانی یەکێتی بەشداریان کرد لە پرسەی خوالێخۆش بوو جەوهەر نامیق کە بە هۆی نەخۆشیەوە کۆچی دوایی کرد.

img_5093.JPGimg_5091.JPG