سه‌ره‌تا‌|ئێمه‌|پۆکسوید‌|که‌رته‌کان|هه‌واڵ‌|چالاکی|په‌یوه‌ندی
avataravataravatar
avatar
22 Mar 2011
جەلال مەلا مستەفا
ئەو ساتانەی مێژوو شایەتێکی بە ویژدانە بۆ سلێمانی زۆر گیان و ڕۆحی دەرچوو نەمر ئەبن.....
avatar
6 Mar 2011
وه‌ستا سه‌لام
به‌ بۆنه‌ی یاده‌وه‌ری ساڵ رۆژی ڕاپه‌رینی شاری هه‌ولێر
avatar
22 Feb 2011
فه‌رید ئه‌سه‌سه‌رد
خۆپیشاندان و دایه‌لۆگ و چاکسازیی
avatar
19 Feb 2011
هێمن حـەسـمەن/ ســوید
ئۆپۆزسیۆنی بێ سەرکردە!
avatar
19 Feb 2011
بورهان ئه‌مین
ڕێگرتن له ‌قه‌یران
avatar
19 Feb 2011
شادمان مه‌لا حه‌سه‌ن
ئارامی بۆ كۆمه‌لگاكه‌مان پێویسته‌
avatar
11 Feb 2011
به‌کرحه‌بیب
چۆن یه‌کێتی نیشتیمانی کوردستان بگەیەنینەوە لوتکە؟
avatar
24 Jan 2011
هێمن حـه‌سـه‌ن/ سوید
ئۆپۆزیسۆن و دەسەڵات لەناو کایە سیاسیەکاندا!
 
avatar

ئۆپۆزسیۆنی بێ سەرکردە!

19 Feb 2011

ئۆپۆزسیۆنی سیاسی ئەو حیزب و لایەنانەن کە هەڵگری ئایدۆلۆژیاو بیروڕای جیاوازی سیاسی و ئیدارین لە ووڵاتدا، بەڵام بێگومان بە کۆمەڵێک بەرنامەی داڕیژراو وئامادەکراوەوە کە باس لە ڕایی کردن یا گۆڕینی سیستەمی سیاسی ووڵات ئەکات بە شێوەیەکی تەندروست .
ئەوەی شایانی باسە کاتێک ئۆپۆزسیۆن شەرعیەت وەرئەگرێ کە دەسەڵات باوەڕی بە بەرنامەی کاری ئۆپۆزسیۆن نەبێ وە بەرنامە و کاری دەسەڵات دوربێ لە ئایدۆلۆژیا و بۆچونەکانی ئۆپۆزسیۆن.
لە کوردستان تەزویەکی ئۆپۆزسیۆنی ناوچەیی بێ بەرنامە و بێ نەخشە لە هەموشی خراپتر ئۆپۆزسیۆنێکی بێ سەرکردە، بەدی ئەکرێ کە دژی بنەماکانی کاری ئۆپۆزسیۆنی کار ئەکەن.
مەبەست لە نەبونی بەرنامەی کار لە لایەن ئۆپۆزسیۆنەوە ئەوەیە، کە خودی دەسەڵاتیش هەمان تێڕوانینی و بۆچونی ئۆپۆزسیۆنی هەیە بۆ دۆخی سیاسی و ئیداری لە کوردستان و ناوچەکەدا. ئەمە لە کاتێکدا دەسەڵات بەدوای چارەسەرکردنی ئەو کێشەو گرفتانەدا ئەگەڕێ کە ئۆپۆزسیۆن باسی لێوە ئەکات بەڵام نەبونی میکانیزمێکی گونجاو و لەبار بۆ نەهێشتنی ئەو گرفتە سیاسی و ئیداریانە بۆتە هۆی دروست بونی ئەو بەناو ئۆپۆزسیۆنە.
بەداخەوە تا ئەم کاتەش کۆمەڵگای کوردی تێگەشتنی نادروستی هەیە بۆ هەریەک لە پرۆسەکانی دیموکراسی و ئۆپۆزسیۆن. لەبەر ئەوە خەڵکانی هەلپەرست و خاوەن بەرژەوەندی تایبەت ئەتوانن سود لە بارودۆخەکە ببینن و لە ژێر ناوی ئۆپۆزسیۆندا مەبەستەکانی خۆیان بپێکن.
ئەگەر وانیە کام بەرنامەی کاری چاکرسازی لە لایەن ئۆپۆزسیۆنەوە خراوەتە بەردەست ڕای گشتی و پەڕلەمانی کوردستان بۆ چارەسەرکردنی ئەو کێشانەی کە خودی دەسەڵاتیش پێوەی ئەناڵێنێ.
ئەوەی ئێمە گوێمان لێبوە تەنها سزادان ودەرکردن ودەست لە کارکێشانەوەی کار بەدەستانە کە ئۆپۆزسیۆن خۆی پێ گەیاندۆتە کەشکەلانی فەلەک ، لە کاتێکدا ئەمانە هیچ کاتێک و لە هیچ جێگایەکی دنیا چارەسەر نەبون بۆ گەندەڵی سیاسی و ئیداری ووڵات، تا بگات بە کوردستانێک کە گیرۆدەی بارودۆخێکی سیاسی و ئیداری ناهەمواری بۆ ماوەی ڕژێمە داگیر کەرەکانی کوردستان و دوژمنە کانی گەلی کوردین، کە بە دریژایی میژوو کاریان لە سەر گۆڕین و تێکدانی باری دیموگرافی و کەسایەتی تاکی کورد کردوە. کەواتە سەرکردەکانیشمان بەدور نین لەو کاریگەریە نەگەتیڤانەی کەلەسەر کەسایەتی تاکی کورد جێماوە.
لەڕوانگەی خەڵکی ئێمەوە ئۆپۆزیسیۆن پەیکەری سومبولێکی شەڕەنگێزانەی بۆ داتاشراوە، یاخود مەبەستمە بڵیم هێشتا گیانی ئۆپۆزسیۆنی لە ناو دەرونی خەڵکدا بە واتە زانستیانەکەی چەکەرەی نەکردوە. ئەمەو لە کاتێکدا پرسیارێکی زۆر گرنگتر لێرەدا سەر هەڵئەدات کە ئایا سەرکردەکانی ئۆپۆزسیۆن کێن؟
ئۆپۆزسیۆنی بێ سەرکردە!
من ئاواتم ئەخواست ئەم ڕەوتە ناڕەزاییەی کە ئەمڕۆ لە کوردستان دروست بوە بێ سەرکردە بوایە، دەنگێکی ناڕەزایی ناخی تاکەکانی کورد و سەر عەرزی واقعی کوردستان بوایە، ئەوکاتە ئێمەش پشتیوانیمان لێ ئەکرد و دەسەڵاتیش بە جدی تر بەرەو ڕوی چارەسەری کێشەکان هەنگاوی ئەنا.
بەڵام بەداخەوە میرد مناڵێکی وەک ئەوەی بوە قوربانی خۆپیشاندانەکانی حەڤدەی ئەم مانگە وهەموو ئەو گەنجە خوێن گەرمانەی بەشداریان لەو خۆپیشاندانەکەدا کرد، نازانن ئەوانەی سەرکردایەتی بزوتنەوەی گۆڕان و حیزبە ئۆپۆزسیۆنەکان ئەکەن کێن. ئەگەر بۆ جارێکیش بوە با ئەو گەنجانەو هەمووئەو کەسانەی لە ژێر کاریگەری ئەم ڕەوشە خراپەدان ئەم پرسیارە لە خۆیان بکەن.
ئایا سەرکردەکانی ئۆپۆزسیۆن خەڵکانێکن دژی کوشتنی مرۆڤەکان و شەڕو ئاشوبن؟ یاخود هەندێک لەوان ئەندازیاری سەرهەڵدانی تیرۆری کورد و شەڕی ناوخۆو و کوشت و کوشتارن، هەتا بگات بەوەی کە هەندێک لەوان بەدەستی خودی خۆیان خەڵکیان کوشتوەو پلانیشیان بۆ کوشتنی خەڵکانی دیکە داڕشتوە. لە کاتێکدا کە کوشتنی ئەو خەڵکانە نەک هەر تاوان بوە بەڵکو دور بوە لە هەموو پرنسیپ و موراڵێکی مرۆیانە و سیاسیانە.
ئا لێرەوە ترسناکی ئەم بارودۆخەی ئەمڕۆی کوردستان سەرچاوە ئەگرێ، ئەگەر سەرکردەیەک کوشتن وخوێن ڕشتن بەلایەوە کارێکی ئاسایی بێت وە خۆشی قاڵبوی ئەو بوارە بوبێ، ئیتر چۆن وە بەکام هەست و سۆزی مرۆڤایەتی گیانی ڕۆڵەکان و هاونیشتمانیانی بەلاوە گرنگ ئەبێ و پەرۆشی لە دەست نەدانی گیانی ئێوە ئەبێ.
کەواتە هەردوو لایەنەکە ئەمڕۆ لە بەرژەوەندی کوردا نیە ، هەم کەمی هۆشیاری خەڵک لە تێنەگەشتن بۆکاری ئۆپۆزسیۆنی هەم نەبونی سەرکردەیەکی بێ لایەن و ئەکادیمی دەست سور نەبو بە خوێنی خەڵک.

Hemen7@gmail.com

Start | Contact | PUKswed © 2017| Powerd by  Helanet Solutions
Home Contact