سه‌ره‌تا‌|ئێمه‌|پۆکسوید‌|که‌رته‌کان|هه‌واڵ‌|چالاکی|په‌یوه‌ندی
avataravataravatar
avatar
22 Mar 2011
جەلال مەلا مستەفا
ئەو ساتانەی مێژوو شایەتێکی بە ویژدانە بۆ سلێمانی زۆر گیان و ڕۆحی دەرچوو نەمر ئەبن.....
avatar
6 Mar 2011
وه‌ستا سه‌لام
به‌ بۆنه‌ی یاده‌وه‌ری ساڵ رۆژی ڕاپه‌رینی شاری هه‌ولێر
avatar
22 Feb 2011
فه‌رید ئه‌سه‌سه‌رد
خۆپیشاندان و دایه‌لۆگ و چاکسازیی
avatar
19 Feb 2011
هێمن حـەسـمەن/ ســوید
ئۆپۆزسیۆنی بێ سەرکردە!
avatar
19 Feb 2011
بورهان ئه‌مین
ڕێگرتن له ‌قه‌یران
avatar
19 Feb 2011
شادمان مه‌لا حه‌سه‌ن
ئارامی بۆ كۆمه‌لگاكه‌مان پێویسته‌
avatar
11 Feb 2011
به‌کرحه‌بیب
چۆن یه‌کێتی نیشتیمانی کوردستان بگەیەنینەوە لوتکە؟
avatar
24 Jan 2011
هێمن حـه‌سـه‌ن/ سوید
ئۆپۆزیسۆن و دەسەڵات لەناو کایە سیاسیەکاندا!
 
avatar

ژنان دەبێت بۆ خۆیان درک بە گرنگى خۆیان بکەن بۆ هاتنە پێشەوەیان لەمەیدانى خەبات کردن

24 Feb 2010

ژنان دەبێت بۆ خۆیان درک بە گرنگى خۆیان بکەن بۆ هاتنە پێشەوەیان لەمەیدانى خەبات کردن هەم بۆ مافەکانى خۆیان هەم بۆ مافە نیشتمانى ونەتەوەیى و سیاسیەکان بۆیە دەبێت چاویان لەوەنەبێت بەرێژە بچنە پەرلەمانەوە .

سازدانی دیمانە/ شەرمین کەریم-هەولێر

بۆکان حسین علی هەڵسوڕاوی بوارەکانی ژنان لە دیمانەیەکی بۆ ڕۆژنامەی کوردستانی نوێ بەم شێوەیە هاتە ئاخاوتن

*/ وەکو هەڵسوراوێکى بوارى ژنان و ئێستاش وەکو کارمەندێکى حکومى چۆن دەڕوانیتە هەڵبژاردنى ئەم جارەى هەرێمى کوردستان وعێراق ؟
وەڵام : هەڵبژاردن بەشێکى سەرەکى دیموکراسیە ،هەروڵاتێک کە بەهەڵبژاردن کارى کرد پێشدەکەوێ ،بەلام دەبێ هەڵبژاردن لەچوارچێوەى یاساو رێساى خۆى بچێ بەرێوە نەک بە خواست و ویستى حزب و لایەن ولیست وحکومەتێک .
هەر وڵاتێک بە نیازی بە جێ گەیاندنى ڕاستى پەیامى دیموکراسى بێت دەبێت سڵ لە هەڵبژاردن نەکاتەوە ، هەر وڵاتێک بیەوێ سیستەمى دیموکراسى لە وڵاتەکەى بنیات بنێ دەبێت سندوقى دەنگدان دروشمى سەرەکى بێت .
ئەوەندەى زانیاریم هەبێت ێدام حسینى دیکتاتۆر (35) ساڵى حوکمڕانى تەنها 2 جارهەڵبژارنى کرد ئەوەیش بە بێ مونافسە و بە چەپڵە .
لە 5-6 ساڵى ئازادى عێراقدا ئەمە چەندەم هەڵبژاردنە دەکرێ دیارە ئەمەش ڕەوشى دیموکراسى ئەو وڵاتە نیشان دەدات .یا خۆشەویستى گەل و نەتەوەکەى بۆئازادى و دیموکراسى دەردەخات .
وڵاتە یەکگرتوەکانى ئەمەریکا کە ( سید العالم )ە لە هەڵبژاردنى بۆ سەرۆکى کۆمار (4)ساڵ جارێک هەڵبژاردن دەکات .
مادام ئێمەى کوردیش وە عەرەبەکانیش لە بەغداو باقى شارەکانى ترى عێراق نیازى بە جێ گەیاندنى ئەو پەیامەمان هەیە ( هەڵبژاردن ) دەکەینە پێشەنگى کارو بەرنامەى داهاتوومان و زۆر گەشبینم بەم هەڵبژاردنە و پێم وایە هەڵبژاردنى ئەمجارە زۆرزۆرگرنگە وە زۆرجیاوازە لە هەڵبژاردنەکانى پێشووکە جیاوازیەکەش لەوە خۆى دەبینێتەوە بە لیستى کراوە هەڵبژاردن بەرێوە دەچێت ، ئەم جۆرە هەڵبژاردنەش ڕەنگە خواستى زیاترى خەڵک بێت لەبەر ئەوەى خەلک ئازادە کە نوێنەرى خۆى کاندید بکات بەوەى کە بڕواى تەواوى بەو کاندیدەیە کە دەچێتە نێو پەرلەمان شەڕى چارەنووس بۆ گەلى کورد بکات .
ڕەنگە کەم کەس درک بەوە بکات چونکە ئەوەندەى دەبینم زۆر لیست ولایەن و حزب کار بۆسەر خستنى (لیست)یک بە تەنها دەکەن ،لە هەیبەت و گەورەیى و گرنگى هەڵبژاردنەکە ناگەن .. پێم وایە ئەمجارە هەموو لایەنەکان بە دۆست و دوژمنى کورد قۆلیان لێ هەڵمالیوە بۆ ئەوەى زۆرترین کورسى پەرلەمان بەدەست بێنن .
ئەوەتا دەبیینن عەرەبەکان کارى جدى دەکەن بۆبرانەوەى ئەم هەڵبژاردنە کەمەبەستى زیاتریش گۆڕینى ( دەستور)ە ڕەنگە زۆر یاساى تێدابێت قازانجى کورد بێت .
لە لایەکى تر بە دوژمنانى کوردو هەندێ لایەنى کوردى خۆشمان کار لەسەر ئەوە دەکەن کە ئەمجارە ( سەرۆک کۆمار ) کورد نەبێت .
بۆیە دەبێت کورد لەهەر کونج و شوێنیکى ئەم دنیایە هەیە ئەمجارە خۆى بێ بەش نەکات بەو دەنگەى کە دەیدات کە رەنگە مەێیرى کوردى پێ بگۆرێت .

** / رێژەى ژن ئەوانەى خۆیان کاندید کردوە بەرامبەر بە پیاو زۆر
کەمترە بۆچى .؟ ئایا پێت وایە ژنانى لێ هاتوو نەبێت لە پۆستەحکومى
وحزبیەکان ؟
وەڵام / لەسەر مەسەلەى ژنان زۆرجارباسمان کردووە من وەکو خۆم بڕوام بە ڕێژە دانان نیە بۆ ژن چونکە ئێمە باس لە یەکسانى دەکەین زۆر جار وای دەبینم کە ژنان دەبن بە ( چەپکە گوڵ ) لە نێو پەرلەمان نەک ( دەنگى راستەقینەى ژن ) چونکە ئێمە ئەوە ڕەت دەکەینەوە کە ژنان بۆ خێر بپالێورێن یا بۆ رازى کردنى عەشیرەتێک یان بۆ دڵ نەشکاندنى کۆمەڵێک سەرمایەدارو دەوڵەمەند.
ئێمە ژنانى لێهاتوومان زۆرە خەڵکى تێکۆشەرودەنگى راستەقینەى ژنیشیمان هەیە بەڵام بە داخەوە هەست ئەکەم دەسەڵات و لێپرسراوانى حزبى و حکومى کەمتر ڕێگە بە ژنان دەدەن بێنە پێشەوە ،بەڵام ژنان دەبێت بۆ خۆیان درک بە گرنگى خۆیان بکەن بۆ هاتنە پێشەوەیان لەمەیدانى خەبات کردن هەم بۆ مافەکانى خۆیان هەم بۆ مافە نیشتمانى ونەتەوەیى و سیاسیەکان بۆیە دەبێت چاویان لەوەنەبێت بەرێژە بچنە پەرلەمانەوە .

ئاییندەى وڵات چۆن دەبینى دواى هەڵبژاردن ؟
وەڵام /گەشبینم بە ئایندەى سیاسى عێراق چونکە ئەم هەڵبژاردنانە ڕەوتى دیموکراسى لەووڵات دەگۆڕێت بەرەو باشتر، وە بەشدارکردنى سەرجەم لایەنە سیاسیەکان لەم هەڵبژاردنە پەیامێک دەبێت بۆ هەموو ئەوانەى دژى سەقامگیرى و ئارامین لە عێراق .

وەکو بەرچاوە کێشمە کێشمێکى زۆر لە نێوان لیستەکان و حزبەکانى ناو هەرێمى کوردستان دروست بووە ؟ پێت وایە ئەم هەرایە بۆچى ؟ئایا بۆ گرتنە دەستى دەسەڵاتە ؟ یان شتى تر لە ئارادایە ؟
وەڵام / شتێکى ئاسایى و یاساییە کە هەڵبژاردن ململانێى تیێدابێت بەمەرجێ ململانێکە ڕەوشت و ئاکارى خۆى لە دەست نەدات و ( موزایدە ) بە شتە نەتەوەییەکانەوە نەکرێت و گەلى کوردیش گەلێکی هۆشیارە و دەزانێ ڕاست و چەوت لەیەک جیا بکاتەوە و دەزانێ کێ ڕزگارکەرى ڕاستەقینەى ئەم گەلەیە .
زۆر هەست بەوە دەکەم کە هەندێ لیست ولایەن شەڕى دەسەڵات دەکەن ئەمە لە لایەک، لە لایەکى تر ئەوەندەى کار بۆ ئەوە دەکەن کە لە داهاتووشەڕ لە پەرلەمانى عێراق بۆ چارەنوسى کورد بکات شەر بۆ ئەوە دەکات کە دژایەتى حزبێکى سیاسى کوردى بکات کە ئەمەش جێگاى داخە .

هەرچەندە هەموو تاکێک ئازادە لەوەی کە دەنگ بە کێ دەدات بەڵام دەنگی تۆ وەکو ژنێکی ڕۆشنبیر بۆ کێ یە؟
وەکو ژنێک دەنگ بە لیستى هاوپەیمانى کوردستانى 372 دەدەم بە تایبەتى کاندیدە ژنەکانی (ى.ن.ک) چونکە ئەوان دەستکەوتى مەزنیان بۆ گەلەکەمان بەدەست هێناوە و هەرئەوانیش گەلى کوردیان بەدنیا ناساندوپەروەردەی دەستی پێشمەرگەی ماندوونەناسەکانی شاخن شایەنى ئەوەن ئێمەش ئەو شەرەفەیان پێ ببەخشرێ .

Start | Contact | PUKswed © 2018| Powerd by  Helanet Solutions
Home Contact